Armelo

Zie Armelo (deurverwieszied) veur aandere betekenissen van Armelo.

Armelo (vrogger ok wel Armel eneumd; Nederlands: Ermelo) is n darp en n gemeente in de Nederlandse provinsie Gelderland. De gemeente had op 1 augustus 2013 26.042 inwoeners (bron: CBS). Armelo het n oppervlakte van 87,33 km² (waorvan 1,71 km² waoter). Umdat Armelo an de bossen en t Nuldernauw leit, is t veural zoemers n toeristiese plek. In de Zuud-Afrikaanse provinsie Mpumalanga he'j ok n darp mit de naam Ermelo (Armelo), dat verneumd is naor t Nederlaandse darp.

Gemeynde Armelo
Vlagge van Armelo	Wapen van Armelo
Lokaty van de gemeynde Armelo
Informaty
Provincy	Gelderland
Höyvdplaatse	Armelo
Geografy en bevolking
Uppervlakde  - Land  - Water	87,33 km² 85,62 km² 1,71 km²
Antal inwoaners Inwoaners per km²	26.042 (1 augustus 2013) 304 inw./km²
Koordinaten	52° 18′ N, 5° 38′ O
Oaverig
Belangryke weagen	A28, N302, N303
Netnummer	0341, 0577
Postkodes	3850-3853
Officiele websteade
www.ermelo.nl

Overige kernen

De Beek, Drie, Horst, Houtdarp, Leuvenum, Speuld, Staverden, Telgt en Tonsel.

Herkomst naam

In de eerste naamsvermelding uut de 9e of 10e eeuw heette Armelo Irminlo. t Deel lo verwiest naor n op zandgrond elegen bos. Veur Irmin worren verschillende verklaoringen egeuven; groot, goddelik, verheven of t verwiest naor n oud-Germaanse god mit de naam Irmin. Meugelik is der n verbiending mit t Saksiese heiligdom Irminsul.

Geschiedenis

t Darp Armelo besteet al vanof 855. Veur n lange tied bestung t alleen uut boerderiejen, n paor gebouwen, n wiendmeul en n kark. Armelo was aordig stil tot an de 19e eeuw; in t jaor 1830 is der een weg en n treinstasion ebouwd. In 1973 is Armelo n zelfstandige gemeente eworren naodat t daorveur deel uutmaakte van de gemeente Nunspeet.

Import

Huweliken tussen verpleegkundigen (frullie) en militaeren (mansluui) zörgden derveur dat der gien esleuten darpskultuur ontstung. Deur t open karakter van Armelo is twee darde van de bevolking import. Mar een darde besteet uut inheemse bewoeners, families die der geboren en etogen bin.

Verkeer en vervoer

In t noorden van Armelo loopt de autosnelweg A28 van Utrecht naor Groningen. t Stasion van Armelo wort twee keer per uur per richting bezocht deur de stoptrein Zwolle - Utrecht (sentraolspoorweg).

Vrieje tied

In t zuudoosten van Armelo leit de Armelose Heed n terrein dat zo'n 343 bunder groot is. t Is grotendeels in gebruuk is as natuurterrein en is beschikbaor veur dagrekreasie. Deur t terrein heen lopen fiets-, wandel- en peerdriepaojen. De heed wort begreesd deur n schaapskudde.

Angrenzende gemeenten

Angrenzende gemeenten
Zeewolde (Fl)	Harderwiek	Nunspeet
Putten Barreveld		Apeldoren

Gemeente Armelo
Heufdplaots Armelo Darpen Horst · Telgt Buurtschappen De Beek · Drie · Houtdarp · Leuvenum · Speuld · Staverden · Tonsel

Provinsie Gelderlaand

Gemeenten: Aalten · Apeldoorne · Armelo · Arnem · Attem · Barg en Dal · Barreveld · Berkelland · Beuningen · Bronckhorst · Brummen · Buren · Deutekem · Doezebarg · Druten · Duve · Ee · Elburg · Epe · Harderwiek · Heerde · Heumen · Kulenburg · Lingeweerd · Lochem · Maasdriel · Montferland · Neder-Betuwe · Niekark · Nimwaege · Nunspeet · Olde Iesselstreek · Oldebroek · Oost Gelre · Overbetuwe · Putten · Renkum · Rheden · Rozendaal · Sjaarpezeil · Tiel · Voorst · Wageningen · Wenters · West Betuwe · West-Maas en Waal · Westervoort · Wiechen · Zaender · Zaltbommel · Zutfent

Dit artikel is eskreaven in et westveluwske dialekt van Armelo, in de Algemene Nedersaksiese Schriefwieze.