Heufdmenu losdoon
Verspreiding van Germaanse taelen:

██ Deens

██ Duuts

██ Engels

██ Ieslaands

██ Nederlaands en Afrikaans

██ Noors

██ Zweeds

De Germaanse taelen vormen n subgroep van de Indo-Europese taelen. t Bestaot uut zoe'n 15 erkende levende taelen en omdebi'j 4 uutsturven taelen, die allegere uut t Proto-Germaans vortkommen. Ze worden vanoolds spreuken in Noordwest- en Sentraol-Europa en Skandinavië. Deur migraosie en kolonisaosie hebben verskillende taelen uut disse groep (benaemen et Engels en et Nederlaands, en in mindere maote et Duuts) heur naor aandere dielen van de weerld verspreid. De Germaanse taelen bin onder te verdielen in drie subgroepen: de West-Germaanse taelen, de Noord-Germaanse taelen en de uutsturven Oost-Germaanse taelen. Ze worden tegenwoordig weerldwied as moerstael spreuken deur meer as 550 miljoen meensken.

De grootste Germaanse tael is t Engels, moerstael van n peer honderd miljoen meensken en tegenwoordig de lingua franca van de weerld. Duuts is n tael die deur meer as honderd miljoen Europeanen spreuken wordt. Disse taelen bin ok beide weerldtaelen. Nederlaands wordt deur zoe'n 28 miljoen meensken spreuken, en zien dochtertael Afrikaans deur zoe'n 16 miljoen (waorvan t merendiel as twiede en darde tael). Kleinere Germaanse taelen bin t Zweeds, Deens, Noors, Ieslaands, Faeröers, Fries, Limburgs, Luxemburgs, Nedersaksies, Skots en Jiddisj. In totaol praoten zoe'n 559 miljoen meensken n Germaanse tael as eerste tael.

KlassifikaosieBewarken